Fax News ka mësuar detaje të reja nga vdekja e 69 vjeçares Lumturi Zaimi. E moshuara dyshohet se ka humbur jetën nga asfiksia teksa ngrohej me batanije elektrike.
Fillimisht policia raportoi se dyshohet se e moshuara humbi jetën nga asfiksia nga zjarri, por burime për Fax News bëjne me dije se kur ka mbërritur në banesë, policia nuk ka gjetur gjurmë të zjarrit.
Policinë e ka lajmëruar e bija e të ndjerës, e cila jetonte e vetme dhe u gjet e vdekur në shtratin e saj, pasi dyshohet se u asfiksua.
Njoftimi paraprak i policisë:
Tiranë/Informacion paraprak
Në rrugën “Loni Ligori” në Astir, në banesën e shtetases L.Z, 69 vjeçe, dyshohet ka rënë zjarr dhe për pasojë shtetasja L.Z, që jetonte e vetme, ka humbur jetën, dyshohet si pasojë e asfiksisë.
Trupi i pajetë do të transportohet drejt morgut për ekspretizë mjeko-logjore me qëllim përcaktimin e shkakut të vdekjes.
Grupi hetimor nën drejtimin e Prokurorisë vijon punën për sqarimin e plotë e rrethanave të ngjarjes.
(E.H/Faxweb.al)
…
/faxweb