Disa orë më parë kanë mbërritur në Qamishli gratë dhe fëmijët që do të riatdhesohen ditën e nesërme në Shqipëri. Lajmin e bën të ditur me anë të një postimi në llogarinë e tij në Facebook, gazetari Taulant Koplikaj.
Ai ka publikuar foto të grave dhe të fëmijëve ndërsa mbërrinin në Kurdistanin Sirian. Në Qamishli u mbajt edhe një konferencë për shtyp në të cilën morën pjesë edhe Gledis Nano dhe Indrit Doda, numri një dhe dy i antiterrorit në Shqipëri.
Kujtojmë se në Beirut të Libanit ka nisur operacioni i shpëtimit nga kampi famëkeq Al Hol dhe kthimit të fëmijëve e grave të tjera në Atdhe. 5 gra dhe 14 fëmijë shqiptarë pritet të mbërrijnë mëngjesin e së dielës në Shqipëri.
Drejt Tiranës do të udhëtojë:
B.K nga Tirana me 5 fëmijë.
E.V nga Dibra me 4 fëmijë.
L.K nga Tirana me 2 fëmijë
K.Z nga Tirana me 3 fëmijë
R. B nga Librazhdi
Disa prej këtyre fëmijëve kanë lindur në Siri. Disa prej burrave të këtyre pesë grave janë vrarë gjatë luftimeve si pjesë e ISIS ndërsa ata që janë gjallë ndodhen në burgjet kurde.
VIDEO/ Qan me ngashërim dhe fshin lotët me duart e vogëla, shihni si lutej Jasmina nga kampi sirian për t’u kthyer në Shqipëri (Përshëndetja për shoqet e ngushta në Tiranë)
(E.H/Faxweb.al)
…
/faxweb