Skip to content

Detaje të reja/ Nga vjedhje në tentativë vrasje, kush ishte 27-vjeçari Aleksandër Sadikaj që u vra në atentat me eksploziv? Ja e shkuara e tij kriminale…

Ndajeni këtë artikull me të tjerë duke klikuar ikonat më poshtë

Fax News mëson detaje të reja nga ngjarja e rëndë që ndodhi mesditën e sotme në zonën e Teg-ut në Tiranë, ku u vra në një atentat me bombë në makinë i riu nga Berati Aleksandër Sadikaj.

Burime bëjnë me dije se grupi hetimor ka dyshime se autorët e shpërthimit që deri tani dyshohet të jetë me telekomandë, kanë ndjekur të gjitha lëvizjet e tij në një karburant që ndodhet shumë pranë rrethrrotullimit.

Detaje nga e shkuara e viktimës:

Aleksandër Sadikaj, 27 vjeç, lindur në Berat, banues së fundi në Tiranë, person me precedent të theksuar kriminal, në fushën e vjedhjes, krimeve ndaj personit dhe narkotikëve. Ky shtetas aktualisht nuk ishte në kërkim.

٠Më 09.04.2011 është arrestuar në Berat, pasi, së bashku me një person tjetër kanë tentuar të vjedhin në subjektin AlbTelecom-Berat;

٠Më 30.04.2011 është shpallur në kërkim nga Komisariati i Policisë Vlorë, pasi Gjykata e Vlorës i ka caktuar masën e sigurisë “Arrest në burg”, për veprën penale “Vjedhja”, kryer në bashkëpunim;

٠Më 31.05.2017 është shpallur në kërkim nga Komisariati i Policisë Nr.2 Tiranë, pasi Gjykata e Tiranës i ka caktuar masën e sigurisë “Arrest në burg”, për veprën penale “Kundërshtimi i punonjësit të rendit publik”. Më 23.08.2018, Gjykata e Tiranës e ka dënuar me 8 muaj burgim, për këtë vepër;

٠Më 29.05.2017 është shpallur në kërkim nga Komisariati i Policisë Nr.2 Tiranë për veprat penale “Goditje për shkak të detyrës”, “Mosbindja ndaj urdhrit të punonjësit të policisë së rendit publik” dhe “Kundërshtimi i punonjësit të rendit publik”;

٠Më 09.07.2019 është shpallur në kërkim nga Komisariati i Policisë Sarandë, pasi në bashkëpunim me një shtetas tjetër, gjatë një konflikti për motive të dobëta, kanë plagosur me thikë shtetasin A. D., duke i shkaktuar dëmtime serioze në trup. Më datë 30.07.2019, për këtë ngjarje, Gjykata e Sarandës i ka caktuar masën e sigurisë “Arrest në burg”, për veprën penale “Vrasja me dashje”, mbetur në tentativë.

٠Gjithashtu, për këtë shtetas, disponohen informacione në rrugë operative se kryente veprimtari kriminale edhe në fushën e narkotikëve.

– Ngjarja –

Për këtë shkak grupi hetimor ka sekuestruar pamjet e sigurisë të biznesit në fjalë, në mënyrë që të shkohet drejt identifikimit të autorëve. Ekspertët thonë se shpëthimi me telekomandë nuk mund të bëhet në një distancë më të madhe se 500-700 metër, dhe për këtë dyshimet e policisë janë se autorët kanë ndjekur me sy të lirë të gjithë skenën.

Lënda plasëse shpërtheu në momentin që në rrugë nuk kishte mjete të tjera që mund të rrezikoheshin, çka tregon se autorët e kanë pasur të qartë planin e tyre të veprimit por edhe fushëpamjen. Sadikaj, 27 vjeç, me origjinë nga Berati, ishte duke lëvizur me mjetin e tij në drejtim të Elbasanit, në momentin e shpërthimit.

Fillimisht ai arriti të dilte nga mjeti, edhe pse i gjymtuar, por për shkak të plagëve të mëdha të marra, dhe humbjes së gjymtyrëve, ndërroi jetë në spital sipas policisë. Në vendgjarje mbërritën edhe ekipe të RENEA-s, për të shmangur çdo incident të mëtejshëm me sasinë plasëse në mjet, që duhet thënë se përfundoi totalisht i shkrumbuar.

Pista kryesore në të cilën po heton policia është ajo e hakmarrjes, pasi Sadikaj ka qenë i proceduar për tentativë vrasje, edhe pse duhet thënë se nuk është shpallur fajtor, e aq më tepër të ketë pranuar që ka pasur lidhje me ngjarjen. Nuk përjashtohet mundësia e përfshirjes së tij, në aktivitete kriminale që lidhen me trafikimin e lëndëve narkotike.

Del FOTO-ja/ Iu bë atentat mafioz, ky është Aleksandër Sadikaj që mbeti i vdekur pas shpërthimit me tritol (Pista kryesore e hetimeve)

Atentati me bombë që i mori jetën të riut nga Berati, ku qëndruan autorët në momentin e shpërthimit, sekuestrohen kamerat e biznesit

/faxweb

Ndajeni këtë artikull me të tjerë duke klikuar ikonat më poshtë