Në të gjitha institucionet publike në Pogradec ka vijuar dezinfektimi në kuadër të marrjes së masave parandaluese kundër koronavirusit.
Spitali, posta, qëndrat shëndetësore, pikat kufitare, kishat dhe xhamitë si dhe sheshet kryesore të qytetit janë disa nga vendet që janë dezinfektuar nga punonjësit e bashkisë.
Sipas bashkisë së Pogradecit, do të vijojë edhe nesër me këtë proces për të garantuar ambjente të sigurta për qytetarët.
Ndërkohë thuhet se shërbimet në bashki janë kufizuar dhe do të kryhen vetëm online.
Gjithashtu sot në Pogradec është mbyllur edhe tregu i fruta-perimeve.