Dhjetëra efektivë të Vlorës nisen drejt Tiranës, në mbështetje të kolegëve të tyre për finalen e nesërme

Dhjetëra efektivë të policisë së Vlorës kryesisht rendi dhe shigjetat do i bashkohen kolegëve në Tiranë. Mësohet se janë nisur që mbrëmjen e sotme një pjesë e tyre, të tjerë pritet të nisen nesër. E njëjta gjë pritet edhe nga komisariatet e qyteteve të tjerë.

Mbrëmjen e sotme, ashtu siç pritej, tifozët holandezë kanë filluar përplasjet e tyre me policinë nëpër rrugët e Tiranës. Për pasojë janë plagosur dy policë ndërsa janë shoqëruar disa prej tifozëve të dhunshëm.