Dhuna ndaj gazetarëve po kthehet në një fenoment të përsëritur gjatë kohëve të fundit. Vetëm gjatë javës që kaloi janë shënuar dy raste të rënda ku janë dhunuar 2 gazetare të Fax News të cilat ndodheshin në krye të detyrës duke raportuar lajmet që ndodhin në vend.
Në mbrojtje të tyre kanë reaguar edhe Asociacioni i Gazetarëve të kosovës dhe Lëvizja e gazetarëve në Shqipëri të cilët solidarizohen me rastet e ndodhura dhe bëjnë thirrje për dënimin e agresorëve.
Reagimi i Plotë nga Asociacioni i Gazetarëve të Kosovës:
AGK solidarizohet me gazetarët nga Shqipëria pas një serie incidentesh
Asociacioni i Gazetarëve të Kosovës – AGK, solidarizohet me komunitetin e gazetarëve nga Shqipëria, në kohë kur sulmet dhe pengimi për të kryer punën e tyre ka shënuar rritje shqetësuese.
Vetëm në javën e fundit, dy gazetare të Fax News kanë qenë cak i sulmeve. Gazetarja, Besarta Demushaj, është kërcënuar dhe sulmuar nga një biznesmen dhe shoqëruesi i tij, kurse një ekip televiziv është penguar nga punëtorët bashkiakë të raportojnë nga një protestë e banorëve në Vorë.
AGK-ja pret që këto raste do të trajtohen me prioritet nga organet e rendit në Shqipëri.
Ndërkohë, një tjetër zhvillim shqetësues është vendimi i KLP-së që nëpërmjet formës së akreditimit tenton të censurojë gazetarët dhe mediat. Një formë e tillë e censurimit ua mohon qytetarëve të njoftohen me punën dhe vendimet e një organi shumë të rëndësishëm të drejtësisë shqiptare.
AGK-ja mbështetë plotësisht të gjithë ata që ngrenë zërin për një ambient më të sigurt të raportimit.
Reagimi i Plotë nga Lëvizja e Gazetarëve të Shqipërisë:
STOP DHUNËS NDAJ GAZETARËVE
✅Lëvizja e Gazetarëve dënon ashpër dhunën ndaj kolegës së FaxNews, Besarta Demushi.
Policia ka prangosur dy dhunuesit të cilët do të përballen me ligjin.
Inkurajojmë Prokurorinë e Tiranës të kryej hetime të plota për dy dhunuesit e të jap ndëshkimim maksimal ligjorë.
Inkurajojmë Besartën të vazhdojë me forcë e vullnet këtë profesion fisnik.
✅Ne do jemi pranë saj edhe në ndjekien e proçesit gjyqësorë ndaj dhunuesve të medias e koleges tonë.
Ky rast tregon se STATUSI duhet të jetë mbrojtia jonë dhe arsya për të qenë bashkë dhe krah njëri tjetrit deri në miratimin e tij.
Kurajo Besarta🙏
…
/faxweb