TIRANE- Institucioni i Avokatit të Popullit ka reaguar ngjarjes së rëndë të regjistruar në burgun e Fushë-Krujës, dy ditë më parë, ku një i dënuar dyshohet se është dhunuar në ambientet e këtij institucioni të vuajtjes së dënimit.
Pas dyshimeve se Adriatik Lala është dhunuar nga punonjësit e policisë së burgjeve, një ditë më parë edhe SHKBB nisi hetimin ndaj tyre, me urdhër të Ministrisë së Drejtësisë.
Po ditën e djeshme, Avokatja e Popullit Erinda Ballanca urdhëroi nisjen e hetimit administrativ me iniciativë, “për ngjarjen e rëndë, ku shtetasi i dënuar A. L. rezulton të jetë dhunuar në ambientet e Institucionit të Ekzekutimit të Vendimeve Penale (IEVP) Fushë Krujë”.
“Ekspertët e Avokatit të Popullit, pasi u njohen nga raportimet e mediave për ushtrim dhune (sipas mediave i dënuari mund të jetë dhunuar nga punonjës të policisë së burgjeve), nisën verifikimet përkatëse në përputhje me kompetencat që i njeh ligji. Ata morën kontakt si me shtetasin e dëmtuar, ashtu edhe me autoritetet drejtuese të IEVP Fushë Krujë. Gjatë vizitës në këtë IEVP merrnin pjesë edhe dy përfaqësues të Komitetit shqiptar të Helsinkit. Ekspertët e Avokatit të Popullit rekomanduan sot bërjen e një ekspertimi tjetër mjeko-ligjor dhe pas kryerjes edhe të disa veprimeve të tjera të nevojshme, Avokati i Popullit do të paraqesë rekomandimet përkatëse, për marrjen e masave konkrete lidhur me ngjarjen”, thuhet në njoftimin e Avokatit të Popullit.
Dy ditë më parë u tha se i dënuari Adriatik Lala kishte hematoma në kokë dhe në trup, ndërkohë që hetimi do të hedhë dritë mbi ngjarjen.
(BalkanWeb)
!function(f,b,e,v,n,t,s)
{if(f.fbq)return;n=f.fbq=function(){n.callMethod?
n.callMethod.apply(n,arguments):n.queue.push(arguments)};
if(!f._fbq)f._fbq=n;n.push=n;n.loaded=!0;n.version=’2.0′;
n.queue=[];t=b.createElement(e);t.async=!0;
t.src=v;s=b.getElementsByTagName(e)[0];
s.parentNode.insertBefore(t,s)}(window, document,’script’,
‘https://connect.facebook.net/en_US/fbevents.js’);
fbq(‘init’, ‘187192692148875’);
fbq(‘track’, ‘PageView’);
