Ministri i Brendshëm, Taulant Balla gjatë konferencës për prezantimin e Observatorit të Feminicidit , foli ndër të tjera edhe për dhunën në familje, por edhe atë online.
Balla bëri apel grave dhe vajzave shqiptare të reagojnë dhe të denoncojnë rastet e dhunës.
“Raportoni rastet e dhunës, mos hezitoni. Duhet të nxisim komunitetin dhe nëse përfshimë në këtë koalicion kombëtare , do të kemi shumë më shumë raste të denoncuara” u shpreh ai.
Ministri tha se për dhunën ligjet i kemi, por shqetësuese sipas tij është dhuna online, e cila momentalisht është e pambuluar me ligj.
Ai shtoi se në lidhje me dhunën online, e cila ka disa forma duhet të iniciohet një ligj, ndërsa theksoi se pak kontakteve të vendosura me tik tok, pritet që e njëjta gjë të bëhet edhe me kompaninë META, e cila përfshin disa rrjete sociale si Facebook, Instagram apo WhatsApp.
“I bëjmë dhe nuk i zbatojmë si duhet ligjet. Ligjin e kemi, por unë e kam merakun te pjesa që se kemi fare, pra ne kemi një situatë që pjesën e dhunës që ndodh online e kemi të pambuluar me ligj. Unë mendoj se duhet të iniciojmë një ligj.
Format e dhunës online:
-Përndjekja kibernetike
-Ngacmimi kibernetik
-Gjuha e urrejtjes në internet
-Abuzimi me imazhin intim pa vullnetin e palës
-Santazhimi seksual
-Joshje
Kemi vendosur më në fund disa kontakte me kompanitë e rrjeteve sociale, me Tik Tok, presim me kompaninë META. Këtë gjë duhet ta kemi me vëmendje të posaçme për t’i adresuar” shtoi Balla.
