Rojet e Kishës së Laçit janë dhunuar barbarisht nga shitësit ambulantë në zonë. Këta të fundit nuk janë lejuar që të shesin brenda këtij territori ndërsa kanë treguar rezistencë ndaj përfaqësuesve të kultit fetar.
Si pasojë e konfliktit, rojet e Kishës së Laçit pretendojnë se janë dhunuar nga shitësit ambulantë, ndërsa kanë denoncuar rastin në polici.
Sipas tyre, fenomeni i shitësve ambulantë është kthyer në shqetësim për përfaqësuesit e Kishës së Laçit, të cilët në denoncimin e tyre theksojnë se institucionet nuk kanë marrë masat e duhura për shmangien e incidenteve.
