Komisioneri Johannes Hahn deklaroi se shpreson sërisht që të nisë dialogu mes Kosovës dhe Serbisë.
Sipas medias serbe RTV b92, deklaratën komisioneri Hahn e bëri në Bukuresht, ndërsa theksoi gjithashtu se shpreson që Kosova do të heqë dhe taksën 100% të vendosur ndaj mallrave serbe.
Më tej, Hahn u shpreh i lumtur ne lidhje me marreveshjen e arritur mes Greqise dhe Maqedonise.
“Shpresoj se disa njerëz do të fillojnë së kuptuari se ku është puna. I gëzohemi asaj që e kemi arritur me Maqedoninë Veriore. Kjo do të stimulojë rinisjen e dialogut ndërmjet Serbisë e Kosovës”, deklaroi Hahn.
