Një makinë është gjetur e djegur në Vlorë në lagjen “Pavarësia” mesditën e sotme. Gazetari Enrik Mehmeti raportoi për “BalkanWeb” se makina tip “Renault Clio” me targa AA 442 RX është gjetur anës rrugës e braktisur, ndërkohë që nuk dihet ende se kujt i përket.
Policia ka shkuar në vendin e ngjarjes dhe po heton për të zbardhur të plotë shkaqet e zjarrit. Paraprakisht dyshohet se ngjarja është aksidentale.
