Ish-ministri i Drejtësisë Ylli Manjani nëpërmjet një mesazhi në Facebook, shkruan se dikush i ka thënë që aplikacione si Whatsap, Viber si dhe SMS-së përgjohen rregullisht nga qeveria.
Manjani shprehet si i kishin këshilluar të logohej në një aplikacion tjetër, ku kishte vënë re praninë e të gjithë anëtarëve të qeverisë.
“Kjo lloj ‘frike’ nuk e ruan dot vreshtin e kalbur të Rilindjes”-, shkruan ai..
Postimi i plotë i Manjanit:
Dikush më tha që të logohem në një aplikacion tjetër komunikimi se Whatsap, Viber e SMS i përgjoka rregullish qeveria.
Nuk e besoj – mendova.
Nuk arrijnë as ti dëgjojnë e lexojnë çdo gjë që shkruhet e flitet në telefon nga të gjithë ne – arsyetova.
Nuk kanë vlerë ligjore – argumentova.
Varja!
Po le ti përgjojnë mo – i thashë atij personit.
Kujt i plasi?!
Nejse, u logova tek ai aplikacioni dhe shoh që aty qenka loguar e gjithë qeveria, udhëheqja e PS dhe një grup i mirë deputetësh të PS…
Medemek këto nuk përgjohen…
Hahahahahahahahahaha…
Ja, këtu në Facebook i themi të gjitha. Të zbardhura taze.
Kjo lloj “frike” nuk e ruan dot vreshtin e kalbur të Rilindjes.
