Choe Son-hui është një ish-zëvendës ministër i Jashtëm dhe u emërua ministër i Jashtëm në një takim të partisë në pushtet të kryesuar nga udhëheqësi i Koresë së Veriut Kim Jong-un.
Koreja e Veriut ka emëruar për herë të parë një grua ministre të Jashtme, raportojnë mediat shtetërore të vendit të izoluar komunist.
Choe Son-hui, ish-zëvendësministre e Jashtme, u emërua ministre në një takim të partisë në pushtet të kryesuar nga udhëheqësi i Koresë së Veriut Kim Jong-un, sipas agjencisë së lajmeve KCNA.
Ajo do të zëvendësojë Ri Son Gëon, një ish-zyrtar ushtarak që udhëhoqi negociatat me Korenë e Jugut.
Choe ishte një këshilltare e ngushtë e Kim Jong-un gjatë bisedimeve bërthamore me Shtetet e Bashkuara dhe e shoqëroi liderin e Koresë së Veriut në takimet me ish-presidentin amerikan Donald Trump.
Emërimi i saj vjen mes tensioneve në Gadishullin Korean pasi Koreja e Veriut po intensifikon në mënyrë agresive programin e saj të testimit të armëve në kundërshtim me sanksionet e Kombeve të Bashkuara, shkruan CNN.
Koreja e Veriut ka kryer 17 lëshime raketash vetëm këtë vit, duke përfshirë dy teste të suksesshme të raketave të supozuara balistike ndërkontinentale.
