Kryetari i Bashkisë së Tiranës, Erion Veliaj ka reaguar sërish në lidhje me audio-përgjimin që u publikua nga FSHF.
Veliaj ka bërë një mbledhje urgjente me Presidente të Shoqatave Sportive të Tiranës, ku ka lëshuar akuza në drejtim të FSHF-së. Ai u shpreh se i qëndron deklaratave të tij, e ndërsa i kërkoi falje atyre që mund të jenë prekur, kryebashkiaku theksoi se ai flet edhe më rëndë para kamerave kundër padrejtësive.
Veliajtha se nesër do të depozitohen dy kallëzime, një për sekretarin e Përgjithshëm të FSHF-së dhe një për sekretarin e shoqatës. Veliaj nënvizoi se kjo çështje nuk mund të lihet me kaq, pasi sipas tij do të shkojë në burg të gjithë ata që kanë bërë falsifikime.
“Meqë kishte shumë nga ata që u skandalizuan me atë që u thanë një grup çunash duket qarte që ai nuk loz futboll, dhe kërkoj ndjesë për këdo që është ofenduar, por nuk i heq asnjë presje çfarë do gjëje që kam thënë. Unë flas më rëndë ndaj padrejtësive në TV sesa në një muhabet shokësh. Ku isha unë? Ku erdhën këta alinë. Nesër do bëjmë dy kallëzime, për sekretarin e përgjithshëm të FSHF dhe sekretarin e përgjithshëm të Shoqatës. Do i bashkohet vandakut të madh që ka kapur prokuroria. Sot të gjithë zgjedhin zgjedhësit, ndërsa këta zgjedhin zgjedhësit dhe i vënë si vezët te bikerina. Ky është falsifikim. Do të shkojnë në burg! Është e pafalshme! do shkojnë në burg. Kjo është kriminale. Disa njerëz do bëjnë burg për këtë çështje. Kjo është arsyeja që jemi mbledhur sot. Shoh që kemi më shumë se 20 shoqata prezente.”, tha Veliaj.
