Në orët e para të mëngjesit të sotem ka rënë zjarr në automietin tip volksvagen në pronësi të shtetasit Marsel Buqo në kohën kur mjeti ka qënë i parkuar para banesës së tij.
Buqo mësohet se punon në një pikë karburanti në dalje të qytetit të Bilishtit. Emri i tij është përmendur në akuzën e Deizi Arapit, si autor i zjarrvënies së mjetit të saj vetëm pak ditë më parë.
Policia ka bërë me dije se zjarri është i qëllimshem dhe po punon për zbardhjen e rrethanave të kësaj ngjarjeje. Për këtë mësohet të jenë sekuestruar kamerat që ndodhen në afërsi të vendngjarjes që mund të lehtësojnë zbardhjen e kësaj ngjarjeje.
“Rreth orës 02:30, në qytetin e Bilishtit, ka rënë zjarr në automjetin tip “Volksvagen” në pronësi të shtetasit M. B., i cili ka qenë i parkuar përpara banesës së tij.
Grupet hetimore po punojnë për sqarimin e rrethanave dhe përcaktimin e shkaqeve të aksidentit dhe rënies së zjarrit”, njoftoi policia.
