Kryeministri Edi Rama ka ironizuar deklaratën e presidentit Ilir Meta i cili i adresoi një letër institucioneve më të larta në vend që të ishin gati pasi do të binte një tërmet shumë i madh.
Shefi i qeverisë, nga konferenca për shtyp ironizoi duke thënë se Meta do të nxjerrë një dekret për të shfuqizuar tërmetin dhe për të spostuar lëkundjet sizmike.
Por teksa Presidenti citon në letrën e tij drejtorin e Institutit Gjeodinamik Observatori Kombëtar të Athinë, Akis Tselentis, ky i fundit e përgënjeshtroi duke thënë se “Asnjëherë nuk kam bërë asnjëherë asnjë parashikim specifik për tërmete. E gjitha kjo është fake (e rremë) dhe qesharake. Asnjëherë nuk kam qenë në kontakt me presidentin tuaj”.
