Presidenti Ilir Meta i kërkoi në emision gazetarit Blendi Fevziu që të bëhet kryeministër. Kreu i shtetit tha se nëse shpërndahet parlamenti do shpërndahet dhe qeveria.

Sipas tij, problemi qëndron se nuk ka një emër për kryeministër.

“Nëse shpërndaj parlamentin, unë do shpërndaj edhe qeverinë se nuk ka sens. Por që të shpërndaj qeverinë dhe parlamentin na duhen nja 20 burra. E merr ti përsipër të bëhesh kryeministër (i drejtohet gazetarit Fevziut). Na duhet dikush ta marrë përsipër”, deklaroi Meta.

“Po mua s’më ka lënë mendja…”, iu përgjigj gazetari.

Meta tha se e gjithë bota është shokuar nga vendimi i qeverisë dhe bashkisë për të shembur Teatrin Kombëtar. “Le Monde e quajti shembjen e Teatrit akt barbar”, shtoi ai.

Presidenti tha se ka shkëputur komunikimin jozyrtar me kryeministrin Rama.

“Nuk kam asnjë kanal komunikimi. Nga nesër, vetëm në mënyrë zyrtare flas me të”, tha presidenti.

Subscribe kanalin tonë në Youtube për të mos humbur asnjë video të re