Policia e Vlorës ka zbardhur djegien e makinës, ngjarje e ndodhur ditën e djeshme. Sipas një njoftimi nga blutë e Vlorës bëhet me dije se është zbardhur dinamika e djegies së makinës së shtetases A.K.
Më tej shtohet se nga hetimet dhe provat e grumbulluara bëhet me dijese është arrestuar një 23-vjeçar, djali i pronares se makinës, i dyshuar si autor i ngjarjes. Policia shton se shkaqet e ngjajres kanë qenë për motive të dobëta.
POSTIMI I PLOTË
Zbardhet ngjarja e ndodhur në zonën e Skelës ku u dogj plotësisht një automjet. Ditën e djeshme, në zonën e skelës, automjeti tip Renault Clio, në pronësi të shtetases A.K, u përfshi nga flakët dhe për pasojë u dogj plotësisht.
Menjëherë policia filloi hetimet në lidhje me rastin, ku nga hetimet dhe provat e grumbulluara, u bë zbulimi, identifikimi dhe kapja e autorit duke vendosur para përgjegjësisë penale shtetasin: K.K., 23 vjeç, banues në Vlorë, i biri i shtetases A.K (pronares së mjetit). Specialistët e hetimit të krimit kanë zbuluar se ky shtetas i ka vënë zjarrin mjetit të nënës së tij, për motive të dobëta. Materialet iu referuan Prokurorisë për veprime të mëtejshme.
