Ish-presidenti i SHBA-së, Donald Trump, mbështeti kandidaturën e kardiokirurgut të famshëm Mehmet Oz për Senatin Amerikan.
“Kjo ka të bëjë vetëm me fitoren e zgjedhjeve në mënyrë që të ndalojë maniakët e Majtë Radikalë nga shkatërrimi i vendit tonë. Komonuelthi i madh i Pensilvanisë ka një mundësi të jashtëzakonshme për të shpëtuar Amerikën duke zgjedhur Dr. Mehmet Oz-in e shkëlqyer dhe të mirënjohur për Senatin e Shteteve të Bashkuara”, tha Trump në një deklaratë.
“Unë besoj se Mehmet Oz do të jetë ai që do të jetë më i aftë për të fituar Zgjedhjet e Përgjithshme kundër një Demokrati të Majtë Radikal që kërkon të bëjë dëm të paimagjinueshëm për vendin tonë,” tha ai.
Oz njoftoi më 30 nëntor se kandidon për Senatin në shtetin e Pensilvanisë si republikan.
Burimi: AA