Kryeministri Edi Rama, përmes rrjetit social Facebook ka dhënë disa shpjegime për ata që kanë shprehur shqetësim kryesisht mbi aplikimet për kartë identiteti dhe pasaporta.
Në statusin e tij Rama bën me dije se procesi është lehtësuar ndjeshëm dhe koha është përgjysmuar me heqjen e sportelit e të radhës në komisariatet respektive të banorëve.
Sipas shefit të Qeverisë, karta ID apo pasaporta biometrike tanimë merren duke aplikuar online në e-albania.
Rama shkruan se:
Pasi merr aplikimin Policia e Shtetit ka një afat deri në 8 ditë për verifikimet me procedurë normale dhe vetëm 24 orë për verifikimet me procedurë të përshpejtuar
Pas kryerjes së verifikimeve, qytetari njoftohet me e-mail për të marrë orarin e paraqitjes fizike për dhënien e gjurmëve biometrike në zyrën përkatëse të kompanisë Aleat. Procesi kryhet sipas orarit të dhënë online dhe në kushte sigurie të plotë antiCOVID19
#ShërbimeDigjitale2020 #paRadha #paRryshfet #ShqipëriaqëDuam