Shkëlqim Hajdari ka dhënë ditën e sotme dorëheqjen nga posti i Kryeinspektorit të Përgjithshëm.
Hajdari, një ish prokuror me eksperiencë, mbante këtë post që prej vitit 2016 kur u emërua nga Këshilli i Ministrave.
Ndërsa nuk dihen ende arsyet pse Hajdari dha dorëheqjen nga ky post, Fax News, nga burime ende të pakonfirmuara, mëson se në këtë post është propozuar ish deputeti i Partisë Demokratike, Dashnor Sula. Edhe ky i fundit një ish prokuror.
Dashnor Sula, pas moskandidimit në zgjedhjet parlamentare të 11 Majit 2025, ka qenë një zë kritik ndaj Partisë Demokratike.
