Home SHENDETI Dr. Alket Koroshi: Çfarë është kaliumi dhe çfarë roli luan në veshka

Dr. Alket Koroshi: Çfarë është kaliumi dhe çfarë roli luan në veshka

0
Dr. Alket Koroshi: Çfarë është kaliumi dhe çfarë roli luan në veshka

Ndajeni këtë artikull me të tjerë duke klikuar ikonat më poshtë

Dr. Alket Koroshi, nefrolog

Kaliumi është një mineral që gjendet në shumë prej ushqimeve që hani. Ai luan një rol të rëndësishëm në shëndetin e zemrës. Sipas mjekut, kur veshkat nuk janë të shëndetshme, duhet të kufizoni ushqimet që mund të rrisin nivelin e kaliumit në gjak.

Në rast se niveli i kaliumit është i lartë në gjak, ju do të keni këto simptoma:

  • Dobësi
  • Mpirje muskujsh
  • Ndjesi shpimi gjilpërash
  • Parregullsi në rrahjet e zemrës etj.

Cili është niveli i kaliumit në gjak?

Nëse është 3.5-5.0 meq/L ……………………… Ju jeni në zonën e sigurt

Nëse është 5.1-6.0 meq/L……………………… Ju jeni në zonën e KUJDES

Nëse është më e lartë se 6.0 meq/L……… ..Jeni në zonën e RREZIKUT

Si mund ta mbani nivelin e kaliumit nën kontroll?

Ju duhet të kufizoni ushqimet që janë të pasura me kalium. Dietologu juaj do t’ju ndihmojë të planifikoni dietën ushqimore në mënyrë që të merrni sasinë e duhur të kaliumit. Ja disa këshilla:

  • Mund të konsumoni çdo ushqim, por në sasi të reduktuar
  • Mos pini lëngje të konservuara, zgjidhni të pini lëngje natyrale
  • Nëse jeni në dializë, konsultohuni me dietologun që t’ju japë një dietë ushqimore të favorshme për ju.

Sa është sasia normale e konsumimit të kaliumit tek një individ i shëndetshëm?

Sasia normale e kaliumit tek një individ i shëndetshëm është 3500-4500 mg në ditë. Një dietë e kufizuar në kalium për shkak të ndonjë problemi shëndetësor është 2000 mg/në ditë.

Cilat janë ushqimet e pasura me kalium?

Ushqime ME SHUMË kalium: kajsitë, çokollata, bananja, qumështi, frutat e thata, fiqtë, panxhari, grejpfruti, brokoli, arrat, bajamet, kivi, mango, lakra kineze, supë, nektaria, fasule, bizele, portokalle, thjerrëzat, lëng protokalli, jeshillliqet, shegët, kërpudhat, rrushi, patatet, spinaqi, domatet.

Ushqimet ME PAK kalium: lëng perimesh, asparagu, molla, brokoli, marulet, buka, karotat, mandarina, dardha, qitro etj.

Ndajeni këtë artikull me të tjerë duke klikuar ikonat më poshtë