Qytetarët dhe avokatët presin drejtësinë që vazhdon të qëndrojë e boshatisur nga masat e ndërmarra kundër covid 19. Palëve ju ndalohet qëndrimi brenda ambjenteve , ndaj dhe administrata ka vendosur karrige jashtë gjykatës kur secili pret seancën e radhës. Qytetarët njoftohen në derën e jashtme për nisjen e procesit nga një efektiv policie.
Ndërkohë një grup avokatësh përsëriten peticionin dërguar institucioneve përkatëse për hapjen e drejtësisë në të kundërt paralajmërojnë protesta dhe tubime.
“Jemi të shqetësuar, mbyllja e dyerve sjell pasoja për klientet dhe për ne. Duhet të hapen dyert jo më gjyqe me dyer të mbyllura. Shkresës se parë ju përgjigj vetëm presidenti, nëse nuk nisin gjyqet e hapura do nisim tubimet”- thonë ata.
Por ndërsa çdo gjykatë ka afishuar detyrimin për mbajtjen e maskave, dorezave dhe distancës fizike, asnjë gjykatë nuk ka marrë masa se si do aksesohet gjyqësori nga mediat, të cilat janë lënë jashtë dyerve te drejtësisë.