Autoritetet amerikane ekzekutuan herët në mëngjes të mërkurën Lisa Montgomery-n, e vetmja grua që priste ekzekutimin në burg federal.

Gjykata e Lartë hoqi pengesën e fundit duke refuzuar vendimin e gjykatës së ulët për të shtyrë ekzekutimin, sipas një gazetari që ndoqi ekzekutimin në emër të publikut.

Një ekzekutim u krye për herë të parë mbi një grua në vitin 1953.

Montgomery, 52 vjeçe, u dënua në Misuri në vitin 2007 për rrëmbim dhe vrasje të Bobbie Jo Stinnett, një grua në muajin e saj të tetë të shtatzënisë. Montgomery ia çau barkun viktimës duke i rrëmber foshnjën,e  cila arriti të mbijetojë.

Disa nga të afërmit e viktimës ishin në ekzekutimin e saj, tha Ministria e Drejtësisë.

Ekzekutimi i Mongomery-t u shty në mënyrë të përsëritur sepse mbrojtja argumentoi se ajo nuk ishte mendërisht në gjendje të kuptonte arsyen e dënimit. Avokati i saj Kelley Henry tha se asnjë person i besueshëm nuk mund të kontestojë sëmundjen e saj mendore prej një kohe të gjatë të trajtuar nga mjekët e burgut.

Ekzekutimi u krye në një burg në Terre Haute, Indiana.

Ekipi ligjor i Lisa Montgomery-it kërkoi falje për faktin se ajo e kreu krimin pas një fëmijërie në të cilën ishte abuzuar dhe viktimë e përdhunimit të vazhdueshëm të njerkut dhe miqve të tij, dhe ata kërkuan që dënimi me vdekje të zëvendësohej me burgim të përjetshëm.