Dritan Shano: Nuk ka krizë energjetike, por Ramës i interesojnë vetëm PPP-të

shano.jpg

Ndajeni këtë artikull me të tjerë duke klikuar ikonat më poshtë

Për analistin Dritan Shano, nuk ka asnjë arsye për rritje çmimesh për shkak të të ashtuquajturës krizë energjetike. Sipas tij, qëllimi i Ramës është të të ruajë të paprekura prioritetet e tij për PPP-të.

“Konferencë për shtyp e tipit: Rrota është e rrumbullakët, ajo rrotullohet.

Çmimet e energjisë në Europë, edhe para 30 vjetësh i vendoste tregu. Edhe vjet. Edhe parvjet. Të 8 vjetët që Rama ka kryeministruar shqiptarët. Gjithmonë kemi blerë në treg. Edhe këtë vit nuk kemi një krizë energjetike, situata e këtij viti, nuk është aspak e ndryshme nga vitet e shkuara.

Thjesht do harxhohen pak më tepër para nga buxheti i shtetit (paratë tona) për të amortizuar rritjen e çmimit në tregun e energjisë – ky çmim i sotëm pritet të zbresë në nivelet e mëparshme në pranverën e vitit që vjen, pra pas 5 muajsh, prandaj ERE nuk asnjë motiv të qenësishëm që të rrisë çmimin e energjisë për konsumatorët.

Por, për kryeministrin është më e kollajtë të bëjë uf-puf në TV vetëm që të ruajë të paprekura prioritetet e veta të shpenzimeve – e dini vetë ju ku shkojnë ato Para Punësh të Pista.

Mbetet enigmë, krejt e habitshme se si e ka lënë kryeministri këtë mundësi që përsëritet çdo vit kur ne blejmë energji në treg, pa e shfrytëzuar për konferenca për shtyp ku shfaqet si babai i kombit,” shkruan Shano.

Ndajeni këtë artikull me të tjerë duke klikuar ikonat më poshtë