“Dritare e re për njerëzit në nevojë”, emisioni “Mendo për Mua”, së shpejti në Fax News, mundësuar nga fondacioni “Kasem Hysenbelliu”

Fax News prej kohësh ka treguar se është një televizion në shërbim të qytetarëve duke qenë zëri i të pamundurve dhe atyre që kanë më shumë nevojë.

Për ta bërë edhe më shumë një televizion të shqiptarëve, një vizion ky i themeluesit të Fax News, Kasem Hysenbelliu, së shpejti në ekranin tonë do të hapet një dritare e re plotësisht në shërbim të njerëzve në nevojë. Një emision i ri me titullin domethënës.

“Mendo për mua”, një iniciativë e fondacionit Kasem Hysenmbelliu. Emision që do të jetë një zë për ata që se kanë, një dorë e shtrirë për ata që nuk kanë mundësi zgjidhje dhe një zemër e hapur për të gjithë ata që duan të jetojnë si gjithë të tjerët.