Ambasadorja e SHBA-së, Yuri Kim dhe ambasadori i BE-së janë të pranishëm në mbledhjen e komitetit të rindërtimit.
Ambasadorja nënvizoi se SHBA do të ofrojë dhe ndihmë teknike që donacionet që do të shpenzohen do të bëhen në mënyrën e duhur dhe transparente.
“Mirëpritëm mundësinë të dëgjojmë planet tuaja si të bëni rindërtimin pas tragjedisë pas tërmetit. SHBA është e lumtur që ka qenë pjesë e konferencës së donatorëve.
Rezultatet e jashtëzakonshme përbëjnë një shprehje të solidaritetit me popullin shqiptar por dhe një investim simbolik dhe real për Shqipërinë.
Është kënaqësi që ne po shikojmë që ju po organizoheni për të realizuar atë proces që duhet të jetë transparent llogaridhënës dhe rezultativ. Ky është hera e parë që ju kemi qëndruar pranë në një moment të vështirë por nuk do të jetë e fundit.
Do të vazhdojmë të jemi krah jush t’ju ofrojmë ndihmë teknike për tu siguruar që donacionet nga vendet e ndryshme përfshi dhe tonat do të shpenzohen në mënyrë të duhur në përfitim të qytetarëve shqiptarë,”-deklaroi Yuri Kim.
