Bizneset janë në lupën e kontrollit të drejtorive të ujësjellësit me qëllim formalizmin e tyre. Në qytetin e Durrësit, drejtoria ka dërguar për ndjekje penale 8 subjekte, ndërsa i ka prerë lidhjet 156 të tjerëve.
Për drejtuesit e drejtorisë së ujësjellësit të këtij qyteti verifikime po kryhen edhe për punonjësit e administratës publike për të parë nëse kanë ose jo detyrime.
Nga fillimi i muajit shkurt grupet taske-forcë kanë kryer kontrolle të shumta ndërsa janë instaluar 830 matësa të ujit të pijshëm dhe janë hapur 230 kontrata të reja.