Reshjet e shumta të shiut kanë shkaktuar përmbytje në disa rrugë të qytetit të Durrësit.
Qyteti bregdetar është përfshirë nga reshje të dendura në dy ditët e fundit dhe për këtë arsye rrugë dhe kryqëzime në lagjen 17, 18 dhe lagjen nr 1 kanë pasur problem me rritjen e nivelit të ujit.
Intensiteti i lartë i reshjeve nga dita e djeshme dhe gjatë natës sollën probleme të shumta, pasi kanalizimet e kanë pasur të pamundur tërheqjen e sasisë së ujit të krijuar nga shiu.
Në disa rrugë të qytetit rrjeti i kanalizimeve të ujërave të shiut është i përzier me kanalizimet e ujërave të ndotura dhe në këtë mënyrë ato bllokohen shumë shpejt në raste të reshjeve me intensitet të lartë.