Kane mjaftuar pak orë shi qe rrugët e Durrësit të përmbyten, duke shkaktuar probleme ne pjese të ndryshme të qytetit. Drejtuesit e mjeteve janë përballur me vështirësi te mëdha sa i përket qarkullimit. Ndërkohe këmbësorët e kanë patur të pamundur të kalojnë rrugët nga një krah në tjetrin.
Me e renduar ka qene situata ne zonën e Vollgës, stacionin e trenit, kryqëzimin e stadiumit dhe lagjet 15 e 18. Uji mbërriti ne nivelin e trotuareve dhe ne disa kryqëzime pati bllokim te qarkullimit. Ndërkohe hidrovoret ne Porto Romano dhe Hamallaj janë duke punuar me kapacitet te plote.
