Të gjithë kanë pyetur se si është e mundur që nuk është prekur asnjë kat i pallatit ‘Kamelia’ te Shkëmbi i Kavajës, në pronësi të ndërtuesit Enver Shala.

Pallati ka pasur leje për 20 kate por si gjithmonë, shto ‘ujë e shto miell’ ka shkuar deri 28 kate.

Për inxhinieren Luljeta Bozo ka një arsye se pse të paktën, nga ajo që shohin nga larg qytetarët, nuk pësoi gjë ai pallat.

‘Unë mendoj se ai pallat ai në breg të detit që ka shtuar kate pa leje, ka tre kate nën tokë. Vendosja në thellësinë e duhur të themelit dhe në thellësin e përkatshme dhe strukturës së sipërme…themeli është nyja delikate që bën rakordimin e sjelljes së bazametit me strukturën dhe këto dy element të punojnë në mënyrë harmonike. Kjo është arsyeja’, shpjegon inxhinierja Bozo.

Në shkurt 2017, ndërkohë që në këtë pallat shtoheshin 3 kate pa leje, ato u shembën vetë. Menjëherë prokuroria filloi hetimet dhe shpalli në kërkim Enver Shalën, por më pas, asgjë nuk ndodhi.

Një ditë të bukur, dolën në dritë edhe katet e reja pa leje dhe askush nuk pësoi gjë. Madje, as tërmeti i 26 nëntorit nuk i bëri dot gjë.

Subscribe kanalin tonë në Youtube për të mos humbur asnjë video të re