Një 34-vjeçar shqiptar ka rënë në prangat e policisë greke, pasi në autobusin që ai drejtonte është gjetur drogë.
Autobusi i linjës Sarandë-Athinë është ndaluar sapo ka kaluar Kakavijën në vendin e quajtur Kallpaq.
Sipas informacioneve policore në bagazhin e autobusit janë gjetur 2 çanta që përmbanin 16 pako me 97 kg 750 gram marijuanë. Po kështu u sekuestruan 955 euro, 2 dollarë, leje qarkullimi, 2 celularë.
Gjithashtu policia ka bërë me dije se autobusi është në pronësi të një kompanie shqiptare.
