Sot në mëngjes, Sarajeva dhe Shkupi janë ndër dhjetë kryeqytetet më të ndotura në botë, transmeton Anadolia.
Sarajeva regjistron indeksin e vlerave të cilësisë së ajrit si i treti më i keq në planet dhe Shkupi i shtati. Kryeqytetet e Bosnjë-Hercegovinës dhe Maqedonisë së Veriut janë të vetmet vende evropiane, ajri i të cilëve sot është ndër më të dëmshmit për shëndetin e popullatës në Tokë.
Problem i përhershëm në Sarajevë është bllokimi i vazhdueshëm i trafikut që shkaktohet nga numri i madh i automjeteve në trafikun e qytetit, si dhe numri i madh i sobave individuale që ngrohen me lëndë djegëse të ngurta.
Autoritetet e Sarajevës kanë paralajmëruar banorët dhe i kanë ftuar ata të reduktojnë në minimum aktivitetet në natyrë dhe presin që situata të përmirësohet me ndryshimin e motit të paralajmëruar në fund të javës.
Raporti tregoi nivele alarmante të grimcave PM dhe metaleve të tjera të rënda në ajër, përveç në Bosnjë dhe Maqedoninë e Veriut, edhe në Bangladesh, Indi, Kongo, Senegal, Gana dhe Iran.
Kryeqyteti më i ndotur në botë sot në mëngjes ishte Neë Delhi (Indi) me një indeks prej 639, ndërsa Lahore i Pakistanit regjistroi 361. Në Sarajevë ishte 228 dhe në Shkup 167. /tesheshi.com/