Pak ditë më parë presidenti Ilir Meta u ofrua për të zgjidhur ngerçin
politik në vend, aq sa u shpreh madje se ishte gati të largohej nese
një lëvizje e till i jep fund krizës. Propozimi i kreut të shtetit
mbështetet nga ish-ministri i LSI-së, Edmond Panariti.
Në studion 45-Minuta në Report TV, Panariti sqaroi se palët mund të
ulen vetëm me ndërmjetësimin por jo me një takim të dytë Rama-Basha pasi
herën e parë kjo praktikë rezultoi e dështuar.
“Ne pranojmë një tryezë të presidentit por jo një takim Rama-Basha
sepse herën e parë rezultoi i dështuar. E vetmja alternativë mbetet
presidenti i Republikës. Është përgjegjësi e kreu të shtetit për
vendosur stabilitetin. Presidenti mund të mbajë pozicionin e tij dhe
t’jua lërë në dorë palëve. Por koha po ikën. Pa dyshim që djegia e
mandateve është një gjest ekstrem po ishte refleks i një situate
ekstreme. Kjo situatë nuk ka rikuperim sepse mandatet janë të djegura.
Nga ana e maxorancës nuk pati keqardhje. Ata kanë dashur të na
degradonin dhe ne nuk e lejuam këtë gjë, ikëm vetë.”, u shpreh Panariti.
Kreu i Partisë Demokratike, Lulzim Basha ka konfirmuar se nuk do të
ketë një marrëveshje të dytë si ajo e 17 majit dhe se mënyra e vetme për
kaluar ngërçin politik është krijimi i një qeverie teknike pa Edi Ramën
kryeministër, që të organizojë zgjedhje të parakohshme të përgjithshme.
