Dy vëllezër në Dimal janë konfliktuar për motive të dobëta me një 22-vjeçar. Policia thotë se konflikti ka nisur gjatë peshkimit, më pas dy vëllezërit dogjën një orendi shtëpiake në banesën e të riut.
Sipas policisë njëri prej vëllezërve kishte thyer masën e sigurisë “Arrest në shtëpi”, të caktuar nga Gjykata, për veprën penale “Drejtimi i automjetit në mënyrë të parregullt”.
Po ashtu është proceduar penalisht edhe 22-vjeçari i përfshirë në konflikt.
Njoftimi:
Specialistët e Seksionit për Hetimin e Krimeve të Stacionit të Policisë Dimal kanë arrestuar shtetasit:
H.D., 44 vjeç, për veprat penale “Largimi i të burgosurit nga vendi i vuajtjes së dënimit” dhe “Shkatërrimi i pronës me zjarr”;
A.D., 50 vjeç, banues në Dimal, për veprën penale “Shkatërrimi i pronës me zjarr”.
Arrestimi i këtyre shtetasve u bë pasi dyshohet se gjatë kohës që kanë qenë duke peshkuar, janë konfliktuar fizikisht për motive të dobëta, me shtetasin D. B., 22 vjeç. Pas konfliktit, shtetasit H. D. dhe A. D. (vëllezër) kanë shkuar në banesën e shtetasit D. B. dhe kanë djegur një divan në ballkonin e banesës së tij.
Në vijim të veprimeve procedurale për këtë rast u referuan materialet në Prokurori, ku nisi procedimi në gjendje të lirë për shtetasin D. B., 22 vjeç, banues në Dimal, për veprën penale “Plagosja e lehtë me dashje”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
