Luiza Ungerer, një volejbolliste braziliani, pretendon se ajo kishte qenë e dashura e Emiliano Salas para se ai të vdiste. Ungerer ka reaguar ndaj aksidentit që i morri jetën futbollistit dhe ka folur për herë të parë për lidhjen e tyre.
Ajo ka zbuluar se kishte shkëmbyer mesazhe me Salan ditën që kishte ndodhur aksidenti. Sapo u konfirmua se trupi i nxjerrë nga fundi i detit kishte qenë i argjentinasit, Ungerer e deklaroi dashurinë e saj për futbollistin në llogarinë e saj në Instagram.
“Do të të dua përgjithmonë”, shkroi ajo.
Ajo pastaj e bëri një intervistë për “O Globo”, në të cilin ajo zbuloi detaje të tjera për lidhjen e saj me Salan, lidhje kjo që Ungerer pretendon se kishte ekzistuar qysh nga viti 2017.
“Kishim shumë dhimbje pasi ne nuk e dinim ku ishte aeroplani dhe nuk e dinim se çfarë do të ndodhte. Kërkimi nuk duhej të ishte ndalur. Ato ditë ishin shumë shqetësuese”, ka thënë Ungerer për “O Globe”.
“Unë gjithmonë kisha shpresë sepse një gjë e tillë është e nevojshme në këto raste. Unë kisha shpresë deri në momentin kur ia gjetën trupin, por në të njëjtën kohë unë shpresoja se do ta gjenin”.
