Avokati i Luan Dacit, Jordan Daci ka deklaruar pas seancës së sotme në GJKKO se vendimi për të pezulluar 12 muaj gjyqtarin është i gabuar dhe kontradiktor.
Avokati Jordan Daci siguron se Luan Daci ka deklaruar disa herë se është shkarkuar në vitin 1997, kurse edhe nëse e ka bërë deklarim të rremë atëherë nuk përbën vepër penale.
Jordan Daci thekson se ky vendim i GJKKO është një precedent i rrezikshëm që i hap rrugë një praktike shumë të keqe, por siguron se çështja do të shkojë në Apelin e GJKKO.
“Këtë po thoja, vendimi është i gabuar dhe kontradiktor. U thanë fakte të ndryshme, si dhe i famshmi protokoll i Avokatit të Popullit.
Nuk po flasim për falsifikim. Është një moment që ka të bëjë me marrjes në dijeni ose jo. Nuk jemi përpara një dokumenti, është një precedent i rrezikshëm. I hap rruge një praktike shumë të keqe.
E ka deklaruar disa herë që është shkarkuar në ’97. Kjo që po thoni nuk përbën element të veprës penale. Ligji është fare i qartë, deklarimi i rremë edhe nëse është bërë nuk përbën vepër penale. Në dijeninë time e ka deklaruar. Procesverbaleve i mungon regjistrimi audio.
Nuk ka asnjë efekt, nuk është i formës së prerë, shpresojmë që Apeli duhet të kemi parasysh i dha zgjidhje ekzistencës së faktit penal. Këtu nuk ka përgjegjësi penale, shpresojmë të bindim dhe Apelin.”– tha Jordan Daci.
