E kishte parkuar pranë banesës, i vihet zjarri makinës së policit në Shkodër

Makina e një efektivi të policisë është përfshirë nga flakët në Shkodër.

Burime nga blutë bëjnë me dije se rreth orës 04:00, në lagjen “Tre Heronjtë”, Shkodër, është djegur pjesërisht mjeti tip “Mitsubishi” në pronësi të shtetasit S. K., 54 vjeç, me detyrë punonjës policie në Komisariatin e Policisë Shkodër. Automjeti ka qënë i parkuar përpara banesës së këtij shtetasi.

Vijojnë veprimet hetimore për përcaktimin e rënies së zjarrit dhe dokumentimin e plotë të ngjarjes.