Presidenti Thaçi, përkundër kundërshtimeve të partive opozitare por edhe të NISMA-s së Fatmir Limajt, do të udhëtojë më 24 qershor për të rifilluar bisedimet me homologun e tij serb, Aleksandër Vuçiç.
Takimin e ka konfirmuar Bashkimi Evropian.
“Përfaqësuesja e Lartë dhe Presidentët do të vazhdojnë punën e tyre në fazën e normalizimit gjithëpërfshirës të Dialogut, të marrin në konsideratë marrëveshjet ekzistuese, të informojnë për arritjet e deritashme sikurse edhe do të diskutojnë hapat e ardhshëm duke pasur parasysh periudhën intensive përpara”, thuhet në njoftimin e Zyrës së përfaqësues së BE-së, Frederica Mogherini.
Kujtojmë se opozitarët kanë kundërshtuar që Thaçi të jetë kryenegociator me arsyen se ai do të bëjë kompromise në dëm të interesave të vendit.
