Kryeministri Edi Rama bëri mbrëmjen e djeshme, daljen e tij të fundit në emisionin Opinion, për mandatin e dytë, kur na ndajnë tashmë dy ditë nga zgjedhjet e së dielës.
Pjesë e ekipit që kishte marrë me vete Rama, ishin dhe dy kandidate për deputete, në Tiranë dhe në Shkodër, Bora Muzhaqi dhe Edona Bilali, të cilat u pyetën nga ana e gazetarëve në studio, se cilat do të ishin projektet e para që do ti kërkonin kryeministrit për qytetet e tyre.
Bilali e Shkodrës tha se do të sillte në qytet investitorë të huaj, ndërkohë që më e fortë ishte deklarata e Muzhaqit, e cila edhe pse vjen nga një profil ekonomik, tha se ajo që e kishte tërhequr te Rama është fakti se ai i ka ndryshuar pamjen pallateve në Tiranës, që kanë ndikuar në uljen e kriminalitetit.
Këto deklarata të të rejave që aderojnë në PS, nuk mund tiu shpëtojnë socialistëve të vjetër, që tashmë e gjejnë veten jashtë partisë, për shkak të përplasjeve me Ramën. Ka qenë ish-zvministrja e ekonomisë Irena Beqiraj ajo që ka komentuar deklaratat e dy kandidateve të Ramës në këto zgjedhje.
Postimi i Beqirajt:
DUKE pare Opinion ! Tan Hoxha pyet – si do te arrini majen kur ne 8 vite, me shume rritet borxhin se Prodhimin e Brendshem Bruto? Kandidatja, Ekonomiste e LSE – Rama e leu Tiranen me ngjyra per te ulur krimin!
Kandidatja e Shkodres ka filluar nga puna te sjelle 2 investitore nga Austria qe do te hapin 3000 vende pune .
Por nderkohe nje biznesmeni ne Shkoder qe kerkonte punonjes, qeveria i sygjeroi te perdorte ligjin per punesimin e te huajve edhe ti sillte nga Bangladeshi …..
Per cfare do vine Austriaket ne Shkoder te punesojne krahun e lire te punes qe vjen nga Bangladeshi ?
Po kthehem tek Librat e mi, mbase gjej ndonje pergjigje!!!!!
(E.K/Faxweb.al)
loading…
/faxweb
