Skip to content

E lidhur me zinxhirë! Rrëfimi gruas që u burgos për 17 vite, i shoqi: Kur të vdesësh del prej këtu

Ndajeni këtë artikull me të tjerë duke klikuar ikonat më poshtë

Një histori e pabesueshme, por e vërtetë. Disa prej fqinjëve e dinin, por kishin heshtur. Kjo është historia e një gruaje nga Brazili e cila i shpëtoi zinxhirëve pas 17 vitesh, e burgosur nga i shoqi në shtëpi. Së bashku me gruan, të lidhur në zinxhirë ishin dhe dy fëmijët e tyre, përkatësisht 19 e 22 vjeçarë. Nuk kishin shkuar një ditë të vetme në shkollë dhe dukeshin si fëmijë të vegjël prej kequshqyerjes.

 Foto: Reprodução/Arquivo Pessoal

Ngjarja ka tronditur opinionin publik, ndërsa media lokale atje ka dhënë një sërë detajesh, përfshi dhe rrëfimin e gruas e cila i shpëtoi më në fund skllavërisë që zgjati për 17 vite.

“Ti duhet të rrish me mua deri në fund, prej këtu do të ikësh vetëm kur të vdesësh”

Kështu i kishte thënë Luiz Silva të shoqes, me të cilën kishin 23 vite të martuar. Gruaja tregoi se edhe dy fëmijët e saj 19 e 22 vjeçarë lidheshin me zinxhirë nga i ati dhe nuk ishin lejuar të shkonin kurrë në shkollë. Njëlloj kishte ndodhur dhe me gruan, e cila ishte ndaluar nga i shoqi që të kryente studimet apo edhe të punonte. Përgjatë 17 viteve gruaja e fëmijët ishin rrahur nga Silva, në mënyrë konstante e mbajtur në kushte çnjerëzore.

Foto: Reprodução

Media braziliane G1, shkruan se disa prej fqinjëve ishin në dijeni të kësaj drame dhe horroreve që Silva kishte kryer mbi familjen e tij. Kur autoritetet e arrestuan këtë të fundit e ngjarja tërhoqi vëmendjen e medias, disa prej fqinjëve shpjeguan se përgjatë viteve ata janë munduar të denoncojnë, por autoritetet nuk i morën për bazë pretendimet e tyre.

Shumë prej fqinjëve i jepnin ushqim nënës e dy fëmijëve të saj, e cila shpesh herë qëndronte dhe për tre ditë me radhë pa ushqim.

“Fëmijët ishin të lidhur. Shpesh i kam sjellë bukë atyrë, por gruaja më tregoi se i shoqi e kishte parë bukën dhe e kishte hedhur. Ajo më tregoi se i shoqi e rrihte sepse mendonte se ajo ishte e keqe dhe se ajo nuk duhet të hante”-tregoi një prej fqinjëve.

Një tjetër fqinje tregoi për median se fëmijët e gruaja ishin në gjendje të rëndë shëndetësore, kjo për shkak të mosushqimit. Gruaja s’fliste dot kur e nxorrën nga burgu 17 vjeçar.

“Edhe një javë e besoj se ata nuk do t’ja dilnin dot. I fola asaj (gruas) kur po qëndronte tek autoambulanca. Nuk ishte në gjendje të fliste dot për shkak se ishte shumë e pafuqishme.”-tregoi gruaja.

“Situata ishte e tmerrshme”-tha një oficer policie i shkoi në vendin e ngjarjes. Tashmë që hetimet kanë nisur dhe autori u arrestua, ka nisur dhe një hetim për të zbuluar se përse çështja u zbulua me kaq vonesë.

Një tjetër burrë që jetonte e punonte pranë zonës, tregoi një detaj të frikshëm. Alvaro dos Santos shpjegoi se kalonte me makinën e tij të punës afër shtëpisë, por kahera dëgjonte muzikë me volum të lartë.

“Shpesh kemi kaluar këtu dhe kishte zhurma të larta. Kishte një magnetofon të madh stereo atje e mesa duket është vendosur që të mbulonte atë që po ndodhte në të vërtetë aty. Ai burri është njeri i ashpër, flet si i fortë. Qëndtonte aty dhe ndizte muzikën. Shpesh herë është denoncuar, por veçse tani i erdhi fundi”-tregoi burri.

Burimi: G1 /Përktheu e përshtati: Shqiptarët për Shqiptarët.info

Ndajeni këtë artikull me të tjerë duke klikuar ikonat më poshtë