Gazment Bardhi në një konferencë për media është ndalur te deklaratat e një dite më parë të kryetares së Gjykatës Kushtetuese, Holta Zaçaj, duke thënë se është e imagjinueshme të mos zbatohen vendimet e këtij institucioni, për të cilin thotë se po humb autoritetin si garantues të Kushtetutës.
Edhe pse po e humb këtë autritetm Bardhi tha se ligjin për Komisionet Hetimore do ta çojnë në Gjykatën Kushtetuese.
“Në fakt për një regjim, kjo është tërësisht e imagjinueshme. Kur anëtarët i thërret në raportin drejtoresha e kabinetit Rama, sigurisht që autoriteti i Gjykata Kushtetuese nuk shkon më shumë sesa vartës të Edi Ramës. Detyra jonë është të mbrojmë Kushtetutën dhe të mos i nënshtrohemi regjimit të Ramës.
Ligji për komisionet hetimore do ta çojmë në Gjykatën Kushtetuese, dhe pse Gjykata Kushtetuese po e humb autoritetin si garant i kushtetuës. Vendimi për marrëveshjen me Italinë, tregon degradimin e Gjykatës Kushtetuese, megjithatë do ta ndjekim këtë rrugë”, tha Bardhi.
Ai gjithashtu foli për aministinë, ku tha se e mbështet, por para se të arrihet konsensusi, duhet të rikthehet Kuvendi në normalitet.
‘Para se të shkojmë në votimin e ligjeve konsensuale, Parlamenti duhet t’i rikthehet nornmalitetit dhe kjo pengohet nga mazhoranca që nuk vendos të drejtat kushtetuese. E mbështes amnistinë, mirëpo para se të shkojnë në një konsensus duhet t’u kthehemi shinave të kushtetutës. E kuptoj arsyen pse Rama nuk lejon kontrollin parlamentar ndaj ekzekutivit, mirëpo ne do t’i qëndrojmë strikt rregullores që ka vendosur kushtetuta”, tha Bardhi.
