Kryehetuesi Peter Ben Embarek tha se ata kishin gjetur disa shenja që tregonin një prevalencë më të lartë të virusit dhe që në fillim të dhjetorit, kishte dhjetëra raste pozitive në Wuhan.
Anëtarët e ekipit patën një shans për të biseduar me pacientin e parë, për të cilin autoritetet kineze pretendojnë se ishte infektuar. Konkretisht, zotëria 40-vjeçar nuk ka udhëtuar askund më parë, dhe data e regjistruar e infeksionit është 8 dhjetori 2019.
”Ne biseduam edhe me të. Ai ka një jetë shumë, në një farë mënyre, të mërzitshme dhe normale, jo, për shembull, shëtitje në male. Ai bënte punë zyre në një kompani private,” komentoi Embarek.
Shkencëtarët e tjerë që studiojnë origjinën e virusit COVID-19 janë gjithashtu të shqetësuar sepse ekziston mundësia e përhapjes edhe para se të “shfaqej zyrtarisht”.
“Virusi po qarkullonte gjerësisht në Wuhan në dhjetor, i cili është një zbulim i ri,” tha Embarek.
Eksperti i OBSH-së për sigurinë e ushqimit tha se shkencëtarët kinezë paraqitën 174 raste të koronavirusit në Wuhan dhe se nga numri i përgjithshëm 100 u konfirmuan nga testet laboratorike dhe 74 nga diagnoza klinike e simptomave të pacientëve.
Gjithashtu, Embarek tha se ekziston mundësia e një numri më të madh, ndoshta të rasteve të rënda, të vërejtura nga mjekët kinezë më herët, dhe sëmundja mund të kishte prekur më shumë se 1000 njerëz në dhjetor.
Ndryshimet në përbërjen gjenetike të virusit janë të zakonshme dhe kryesisht të padëmshme, dhe ndodhin ndërsa sëmundja lëviz dhe riprodhohet midis njerëzve ose kafshëve.
“Meqenëse tashmë kishte larmi gjenetike në sekuencat SARS-CoV-2 të kampionuara nga Wuhan në dhjetor 2019, virusi ndoshta qarkulloi më gjatë sesa atë muaj”, tha një virolog i Universitetit të Sidneit, Prof. Edward Holmes.
Studiuesit analizuan 92 mostra nga njerëzit që kishin kontraktuar koronavirusin për të përcaktuar nëse ata kishin akoma antitrupa, një vit e gjysmë pas sëmundjes.
67 mostra u analizuan dhe të gjithë ishin negativë, kështu që Embarek theksoi se testimi i mëtejshëm është i nevojshëm sepse nuk është e qartë nëse antitrupat mbesin tek njerëzit që kapërcyen COVID-19 shumë kohë më pare.
