Eralba Sejdini , 13 vjeçarja e cila tregon për Top Channel se është dhunuar në tualetin e shkollës ka ngritur shqetësimin pranë drejtorisë së shkollës.
Eralba Sejdini – nxënëse Emin Duraku: Ndodhi një incident meevajzat e klasës paralele të 8. Ishim në tualetin e shkollës, hodha një batutë filluan të më kërcënonin edhe unë reagova. Pastaj njëra prej tyre më kapi prej flokësh e më uli përtokë. Vajza e drejtoreshës ishte aty, por nuk shkoi t’i tregonte të ëmës që të merreshin masa.
Edhe pse ngjarja ka ndodhur të hënën e shkuar, Eralba ndihet e pasigurt në ambientet e shkollës.
Ndërkaq e ëma e Eralbës ngre shqetësimin se nuk është lajmëruar nga drejtoresha e shkollës në momentin e zënkës por takimi me prindërit e vajzave të përfshira në konflikt është zhvilluar një ditë më pas , teksa mungonte prindi i vajzës që kishte ushtruar dhunë.
Në mesazhin e siguruar nga Top Channel drejtoresha Etilda Muhaj i thotë Azete Sejdinit se cdo prind mban përgjegjësi për veten dhe fëmijën e tij dhe se vajzat janë sqaruar e se asnjë fije floku nuk do ti preket askujt.
Ndërsa psikologia e këtij institucioni arsimor është mjaftuar me fjalën e Eralbës që i ka thënë se ndihet mirë dhe se nuk do që kjo çështje të diskutohet në klasë, ndaj nuk ka bërë hapa të mëtejshëm. Mamaja e Eralbës, gjykon se çështja e fëmijës së saj nuk është shqyrtuar me drejtësi ndaj në një ankesë drejtuar platformës Shqipëria që duam , kërkon shkarkimin e drejtoreshës.
Azete Sejdini: Unë jam shumë e zhgënjyer. Nuk është marr asnjë masë. Kam frikë si do shkojë situata e jam detyruar të lë punën që të shoqërojë cdo ditë vajzën!!
në Facebook, klikoni Join Group
…
/faxweb
