Një ngjarje e rëndë ka ndodhur në Fier ku një 44 vjeçar ka ushtruar dhunë dhe e ka detyruar të lypë në rrigë të miturën që kishte nën kujdestari ligjore.
Shtetasi me inicialet SH.M është shpallur në kërkim pas denoncimit të kryer në polici nga 14 vjeçarja e cila ka rrëfyer se kishte duruar dhunën e përsëritur të kujdestarit të saj. Grupi hetimor po punon në zbardhjen e plotë të rrethanave të ngjarjes.
Njoftimi i policisë:
DVP Fier
Specialistët për Hetimin e Krimeve në Komisariatin e Policisë Fier arrestuan në flagrancë shtetasin E. F., 39 vjeç, banues në Fier, pasi ka ushtruar dhunë fizike dhe psikologjike ndaj bashkëshortes së tij.
Po nga këto struktura u shpall në kërkim shtetasi Sh. M., 44 vjeç, banues në Levan, Fier, sepse ka bërë kallëzim një shtetase e mitur 14 vjeçe, se 44-vjeçari, i cili është kujdestari ligjor i saj, ka ushtruar dhunë ndaj saj dhe e ka detyruar të dalë në rrugë për të lypur. Punohet për kapjen e shtetasit Sh. M.
Specialistët për Hetimin e Krimeve në Komisariatin e Policisë Mallakastër proceduan penalisht shtetasin A. M., 26 vjeç, banues në Lapulec, Mallakastër, pasi ka goditur për motive të dobëta, me sende të forta, shtetasin A. F., 63 vjeç.
Materialet i kaluan Prokurorisë, për veprime të mëtejshme.
…
/faxweb
