Më shumë se 30 persona janë bllokuar pasi një tunel rrugor në ndërtim e sipër u shemb në Indi.
Ndërkohë Sky News, raporton se tuneli u shemb të dielën pas rrëshqitjes së dheut në shtetin verior të Himalajeve të Indisë, Uttarakhand, një rajon i njohur për turistët.
Të gjithë të bllokuarit po punonin në tunel, sipas zyrtarëve, të cilët thanë se po pomponin oksigjen përmes një tubi në pjesën e shembur në mënyrë që të ndihmonin punëtorët të merrnin frymë. Edhe për punëtorët e bllokuar po dërgohet ushqim.
Manohar Tamta, një zyrtar i ndihmës shtetërore në Uttarakhand, tha se do të duhej “disa kohë për t’i nxjerrë ato jashtë”.
Sidoqoftë, punëtorët kanë dërguar sinjale që tregojnë se ata janë të sigurt, sipas agjencisë së lajmeve Press Trust of India, duke cituar një zyrtar të qeverisë shtetërore. Sipas policisë, pjesa e shembur e tunelit është rreth 200 metra nga hyrja.
