Një ngjarje e rëndë është shënuar në Korçë. Një fëmijë 2 vjeç e ka zënë poshtë motori që ishte parkuar para banesës së shtëpisë së tij.
Mësohet se 2-vjeçari ka pësuar dëmtime në trup dhe kokë dhe është transportuar në spital, në gjendje të rëndë.
Policia ndodhet në vendngjarje, ndërsa puna për zbardhjen e rrethanave të rastit, ka nisur.
Njoftimi i policisë:
Korçë/Informacion paraprak
Më datë 27.04.2024, rreth orës 15:20, në urgjencën e spitalit Korçë, është dërguar nga nëna e tij, një i mitur rreth 2 vjeç, banues në Korçë.
Nga deklarimet e para të familjarëve të tij, rezulton se fëmija duke luajtur aksidentalisht është rrëzuar në oborrin e banesës, nga motori i babait të tij, i cili ka qenë i parkuar. Për pasojë ka marrë dëmtime dhe ndodhet në kujdesin e mjekëve.
Grupi hetimor po punon për sqarimin e rrethanave të ngjarjes.
