Ushtria izraelite ka bërë me dije se gabimisht ka publikuar fotografi të disa personave sikur janë arrestuar në spitalin Al-Shifa në Gaza, ndërsa nuk janë arrestuar.
Gazeta Yedioth Ahronoth raporton se njoftimi i ushtrisë izraelite për arrestimin e udhëheqësit të Brigadave al-Qassam Raed Saad në spitalin Al-Shifa doli të ishte i pasaktë.
Ushtria izraelite publikoi një listë të asaj që tha se i përkiste liderëve të lartë të Hamasit, të cilët u arrestuan gjatë sulmit në kompleksin Al-Shifa.
Foto të gabuara
Por një zyrtar i sigurisë i lëvizjes së rezistencës islamike Hamas mohoi atë që tha ushtria izraelite për arrestimin e disa drejtuesve të lëvizjes në kompleksin mjekësor Al-Shifa në Gaza, të cilin e bastisi disa ditë më parë.
Zyrtari i tha Al Jazeera-s se fotot e të arrestuarve në spitalin Al-Shifa të lëshuara nga zëdhënësi ushtarak izraelit ishin të gabuara. Disa nga fotografitë në listë i përkasin njerëzve që aktualisht ndodhen jashtë Gazës, dhe disa janë të njerëzve që kanë vdekur, ndërsa tre janë foto të mjekëve që Izraeli i ka nxjerrë më parë.
Ai gjithashtu konfirmoi se nuk ka asnjë të vërtetë në atë që po publikojnë mediat izraelite për arrestimin e dhjetëra liderëve të rezistencës në spitalin Al-Shifa. Ai tha për Al Jazeera-n se raportet e rreme në mediat izraelite janë në fakt një luftë psikologjike dhe morale kundër rezistencës në Rripin e Gazës.
