Një lajm i trishtë vjen nga zona e Sarandës këtë pasdite. Një mjek 66 vjeçar ka ndërruar jetë si pasojë e një ataku kardiak.
Fjala është për Ilir Gazelin, i cili pësoi infarkt teksa ishte në krye të detyrës e po i shërbente qytetarëve në zonën e Dhivrit.
Edhe pse kishte mbushur moshën e pensionit, Gazeli vijonte punën në shërbim të qytetarëve, për shkak të mungesës së mjekëve specialistë.
Kjo është e dyta jetë e humbur në pak javë, pasi kujtojmë se në zonën e Radhimës humbi jetën një tjetër mjek, po nga ataku kardiak.