Një ngjarje e rëndë është shënuar ditën e sotme në Kurbin. Një mekanik ka ndërruar jetë pasi e zuri poshtë kamioni që po riparonte. Ngjarja është regjistruar në fshatin Laç të Kurbinit. Viktima është identifikuar si Albert Mamli.
Njoftimi i policisë:
Në një servis automjetesh në fshatin Laç, Kurbin, shtetasi A. M. 45 vjeç, mekanik në këtë servis, duke punuar në një mjet kamion, dyshohet se aksidentalisht kamioni e ka zënë poshtë dhe për pasojë shtetasi A.M, ka ndërruar jetë. Grupi hetimor vazhdon veprimet hetimore në vendin e ngjarjes për sqarimin e plotë të rrethanave të ngjarjes.
